სამეგრელო-ზემო სვანეთის სამხარეო ადმინისტრაცია

7-8 მარტს ქ. თბილისში გაიმართა ევრაზიის ჩემპიონატი “სანდაში”. ტურნირში მონაწილეობდნენ: საქართველოს, სომხეთის, აზერბაიჯანის, ჩეჩნეთის, ირანისა და ავღანეთის ნაკრები გუნდები. საქართველოს ნაკრებში გამოდიოდა 7 აბაშელი სპორტსმენი, ამათგან გიორგი რუხაძემ, ცოტნე ალანიამ და მარიამ ჭანტურიამ ოქროს მედლები მოიპოვეს. ვერცხლის მედლებს დასჯერდნენ ბაჩუკი ჭანტურია, გიორგი შონია და იოანე ჯიბლაძე, ხოლო გიორგი გაბელაიამ ბრინჯაოს მედალი მოიპოვა.

08-მარტი-2010
ქალთა საერთაშორისო დღე

სამეგრელო-ზემო სვანეთის სამხარეო ადმინისტრაცია ულოცავს ქალბატონებს საერთაშორისო ქალთა დღეს.

07-მარტი-2010
პროგრამა "ექიმები სოფლად" გრძელდება

"ნაციონალური მოძრაობის" ზუგდიდის ორგანიზაციამ ექიმები დღეს ოკუპირებული აფხაზეთის მოსაზღვრე სოფელ ხურჩაში ჩაიყვანა. სრული სამედიცინო გამოკვლევა სოფლის მაცხოვრებლებს უფასოდ ჩაუტარდათ. მათ ასევე უსასყიდლოდ გადაეცათ საჭირო მედიკამენტები. ხურჩაში გამოკვლევისთვის გალის რაიონის მოსახლეობაც ჩავიდა. თვის ბოლომდე მსგავსი აქცია ზუგდიდის მუნიციპალიტეტის ყველა სოფელში მოეწყობა.

04-მარტი-2010
საქართველოში გლოვის დღეა

ტყიბულში , მინდელის სახელობის მაღაროში მომხდარი ტრაგედიის გამო 4 მარტი საქართველოს პრეზიდენტის მიერ გამოცხადებულია გლოვის დღედ. დილიდან სამეგრელო–ზემო სვანეთის მხარეში დაშვებულია სახელმწიფო დროშები, გადაიდო ყველა გასართობი ღონისძიება.

03-მარტი-2010
3 მარტს, საქართველოში დედის დღე აღინიშნება

სამეგრელო-ზემო სვანეთის სამხარეო ადმინისტრაცია ულოცავს სრულიად საქართველოს დედებს ამ დღეს, უსურვებს ჯანმრთელობას და დიდხანს სიცოცხლეს.

03-მარტი-2010
მხიარული ინტელექტუალები

ქალაქ მარტვილში მუნიციპალიტეტის გამგეობისა და საკრებულოს ინიციატივით და ფინანსური მხარდაჭერით, ასევე გამგეობის ახალგაზრდული სამსახურის აქტიური მონაწილეობით მიმდინარეობს მოსწავლეთა შემეცნებითი კონკურსი ”მხიარული ინტელექტუალები”. კონკურსში მონაწილეობას ღებულობს 24 საჯარო სკოლის 600-მდე მოსწავლე. კონკურსი ჩატარდება ორ ეტაპად. მეორე ეტაპში გადასული მონაწილეებიდან შეირჩევა საუკეთესო ჯგუფები, რომლებიც დაჯილდოვდებიან დიპლომებით, სიგელებითა და ფასიანი საჩუქრებით.

02-მარტი-2010
ქალაქ ხობის №2 საჯარო სკოლის ტექნიკურ-მატერიალური ბაზა განახლდა

ქალაქ ხობის №2 საჯარო სკოლას ახალი სპორტული ინვენტარი გადაეცა ჩოგბურთის მაგიდა, ფეხბურთისა და ფრენბურთის ბურთები, ჭადრაკის დაფები, ტრენაჟორები, ჯილდოები მომავალი ტურნირის გამარჯვებულებისთვის. ზემოხსენებული აქცია გახლდათ ხობის მუნიციპალიტიტის გამგეობის ქმედითი გამოხმაურება მეორე სკოლის მოსწავლეთა თვითმმართველობის მიერ შემუშავებულ პროექტზე ,,ავირჩიოთ ჯანსაღი``. პროექტი ითვალისწინებდა სკოლის ათწლეულების განმავლობაში შეუვსებელი ტექნიკური ბაზის ნაწილობრივ განახლებასა და შიდასასკოლო ტურნირების ჩატარებას მაგიდის ჩოგბურთში, ჭადრაკსა და ფრენბურთში. პროექტი ახლაც მიმდინარეობს, თუმცა, როგორც №2 საჯარო სკოლის მოსწავლეები აცხადებენ, შეიძლება ითქვას, რომ ის უკვე შედგა და ეს სკოლის მოსწავლეთა მუშაობისა დამუნიციპალიტეტის ხელმძღვანელობის გულისხმიერების შედეგია.

02-მარტი-2010
ხობის მუნიციპალიტეტში 4 ახალი ბაღი გაიხსნა

ხობის მუნიციპალიტეტში 4 ახალი ბაღი გაიხსნა ხობის მუნიციპაიტეტის გამგეობის ინიციატივიტ 4 სოფელში: პირველი ხორგა, პატარა ფოთი, ზემო ქვალონი, ძველი ხიბულა, სადაც დღემდე ბაგა-ბაღები არ ფუნქციონირებდა, ადმინისტრაციულ შენობებში გამოყოფილიქნა შესაბამისი ფართები, რომელსაც ჩაუტარდა რემონტი. სკოლამდელ სააღმზრდელო გაერთიანებაზე გაცემული სუბსიდიით ბაღები აღიჭურვა ინვენტარით, ელექტრო და სამზარეულო მოწყობილებებით, შეძენილიქნა საბავშვო სათამაშოები. 1 მარტს საბავშვო ბაღების გახსნა ჩატარდა საზეიმო ვითარებაში, რომელსაც ესწრებოდნენ მუნიციპალიტეტის გამგებელი იგორ ტყებუჩავა,გამგებლის მოადგილე რალა ჩემია. საბავშვო ბაღების აღსაზრდელების მშობლებმა, მუნიციპალიტეტის ხელმძღვანელობას გადაუხადეს მადლობა სოფლის მოსახლეობის ყველაზე მნიშვნელოვანი პრობლემის- ბაღების ფუნქციონირების მოგვარებისათვის.

01-მარტი-2010
ლელო-ბურთი თბილისის ბორის პაიჭაძის სახელობის ეროვნულ სტადიონზე

27 თებერვალს თბილისში, ბორის პაიჭაძის სახელობის ეროვნულ სტადიონზე გაიმართა მსოფლიოს პირველობის შესარჩევი ტურნირი რაგბიში საქართველოსა და ესპანეთის ეროვნულ ნაკრებებს შორის. შესვენებისას სენაკისა და ნოქალაქევის გუნდის „ლელო-ჯიხა“-ს მორაგბეებმა მაყურებელს ლელო-ბურთის საინტერესო სანახაობა უჩვენეს, რომლის უმთავრესი მიზანიც იყო მივიწყებული ქართული სპორტის ერთ-ერთი სახეობის, ლელო-ბურთის, აღდგენა და პოპულარიზაცია. აღნიშნული ღონისძიების ინიციატორი იყო სამეგრელოს რაგბის ფედერაციის პრეზიდენტი დავით კილასონია.